اسلامی ممالک میں پاکستان بیت المال کی سماجی خدمات کو اجاگر کرنے اور ملک کے دکھی اور محروم افراد کی زندگیوں میں خوشی اور بہتری لانے کے لیے ادارے کے ساتھ شراکت داری کے فروغ کے لیے ملک کی نامور مذہبی شخصیت مولانا طاہر محمود اشرفی کواعزازی سفیر مقرر کردیا گیا ہے۔ایم۔ڈی پاکستان بیت المال سیّد طارق محمود الحسن نے پاکستان کے مسلم دنیا کے ساتھ بہترین تعلقات استوار کرتے ہوئے باہمی ہم آہنگی، محبت اور بھائی چارے کی فضاء قائم کرنے پر مولانا طاہر محمود اشرفی کی خدمات کو سراہتے ہوئے اسلامی ممالک کے لیے پاکستان بیت المال کا سفیر بننے پر مبارک باد پیش کی اور اس امید کا اظہار کیا کہ آنے والے دنوں میں ملک میں بسنے والے غربت کے ستائے ہوئے مجبور افراد کی خدمت کے ایک نئے باب کا اضافہ ہوگا۔
|